Connect with us

Interview

Interview with Dharmendra Kumar AKA My Smart support

Published

on

Interview with Dharmendra Kumar AKA My Smart support :

Namaste Deviyon aur Devtao, Swagat hai aapka SatishKushwaha.com par, Toh iss article me  humne Interview kiya hai Dharmendra Kumar ji aka My Smart Support ke saath. Dharmendra Sir Bihar ke ek chote se Gaav se hain. Jiss gaav mein Bijli ki samsya hai,Naa hi Internet ki suvidha hai aisi jageh se apne Talent ko YouTube Jaise  Online Platform par bahar lekar aana bahut hi Mushqil hai.

Aur aise jagah se 4 Saal kadi mehnat karne ke baad Dharmendra Kumar aka My Smart Support ke aaj YouTube par 747K+ Subscribers ki Family hai. Ek gaav se hokar itni badi Success ki sidhiyon par jaana wakai apne aap mein ek Bahut Badi Baat hai. Aur Isse Jazbe aur Zidd ko hum Salam karte hain.

 

Dharmendra ji ko dekh kar bahut logo ne YouTube par apna channel shuru kiya aur bahut logo ke liye aaj wo Inspiration aur Motivation hain, Jinme se pehla toh mai hi hu.

Kuch Saal pehle wo college ke dino me, Raat ke time akele Raasto par Akela ghooma karte the lekin Ab log unhe milne ke liye Taraste hain. Isi tarah unhone ye ek Misaal Kayam karke rakh di hai ki Zindagi Mein Kuch Bhi Namumkin Nahi Hain. Mehnat Karoge Toh Ek na Ek dinn Mehnat jarur rang layegi. Toh aayiye shuru karte hain Dharmendra Sir AKA My Smart Support Ke Sath Masaledar Interview.

 

  1. Aap mein itni Simplicity bhari padi hai toh Aapko aisa nahi lagta,  itne Paise mill rahe toh main bhi Thoda sa Dikhawa Karu ?

 

Dharmendra Kumar : Dekhiye Paise toh mill rahe lekin bahut jyada nahi, lekin

 

Satish : main inko tokna chahunga, inhone haal hi mein apni Earning Show kari hai. (30 Lakh Rupees in 4 years)

 

Dharmendra Kumar : haha Pehle milte the ab kuch nahi milte, total milake 30 lakh ke aas paas hain 4 saal se abhi tak.

 

  1. Aap YouTube Full Kar Rahe Hain Toh Aapko Family Se Support Hai ?

 

Dharmendra Kumar : Dekhiye Family se toh abhi bhi poora support nahi hai. Yahan pe samjhana bahut mushqil hai logo ko gaav mein yaa medium class city mein.. ab main jis level pe hoon jitna bhi Earn kar leta hoon Family ka poora Expenses hum hi chalate hain. Lekin phir bhi Family satisfied nahi hai hamare kaam se.. wo kehte hain kuch aur karo business karo, koi badhiya job karo aur Sarkari job ka bahut craze hai hamare yahan pe. Hamari shaadi toh gayi.. lekin jinki shaadi nahi hui aur wo Youtube ke chakkar mein hain unko gaav mein rehneko bahut dikkat ho jayegi.

 

  1. Aajtak Aapko Kabhi YouTube pe Dhamkiyan mili hai ? Mujhe Mili Hai Channel Udwane Ki ( majak me)

 

Dharmendra Kumar : aajkal jo environment ho gaya hai youtube pe wo thoda Political ho gaya hai. Aur Dhamki toh hume koi nahi de sakta hume directly, itna toh hum bhi wo hain ki dhamki kisi ka bardasht nahi kar sakte.

 

Satish : Sir log Channel delete karwaneka dhamki dete hain.

 

Dharmendra Kumar : Are utna toh kisike mai ke laal (माई के लाल ) mein bhi Dum nahi hai, Hum hai na. Bawal kar denge Youtube pe.

 

Mere channel jaaye toh jaaye lekin Sacchai ki Haar nahi honi chahiye.

 

  1. Bahut se Log bolte hain ki aapke paas Edit karne ke liye Time nahi hai aur Aapke Editing Software mein Cut ka Option nahi hota Yaani aap jaise hi Shoot karte hain Waise Upload karte hain ?

 

Dharmendra Kumar : nahi nahi aisi koi baat nahi hai. Aur time bhi koi bahut jyada nahi hota. Kyunki Ghar Grihasti ka kaam bhi karte hain sath sath aur main ye hota hai ki Edit nahi karte ya High Quality mein upload nahi karte kyunki bahut jyada time lag jata hai yahan se upload karne mein, aur Internet ka speed bhi bahut jyada nahi hota. Aur Edit nahi karte Kyunki mere Content mein jyada Sirf Content hi hota hai. Mera yahi manana hai Shuru se ki aap Content de rahe hain wahi sabse jyada jaruri cheez hai. Isliye intro wagaira hum hata diye hain. Aur mujhe log aise hi pasand karte hain.

 

  1. Aap Video mein itna Simplicity dikhate hain toh kya ye Aap Sympathy lene ke liye karte hain ?

 

Dharmendra Kumar : hahah.. Satish ji aapko kya lagta hai Hum haathi ke Daant hai ? Khane ke kuch aur Ya Dikhane ke kuch aur ?

 

Satish :. Hahah mujhe aisa feel hua ki chalo inke gharpe jaake dekhte hai aakhir Sacchai kya hai ?

 

Dharmendra Kumar : Aap Sting Operation toh nahi kar rahe ? Haha

 

Satish : nahi nahi.. haha

 

Dharmendra Kumar : nahi nahi.. actually sahi baat aapne jo poocha.. lekin hum itne gareeb nahi hai.. family se aur bhagwaan ki daya se sab kuch hai, aur property wagaira hai.. aur kyunki main nadi nehar jaisi jagaho ko isliye chunta hoo ki jo Content hum de rahe hain wo Us hisab se match karna chahiye.

 

  1. Aapne Delhi Mein Meetup Kiya Tha Toh Kaisa Laga Tha Sabse Milkar ?

 

Dharmendra Kumar : ji bahut accha lagta hai humein jab log meetup mein milte hain. Aur sabse jyada khushi tab hoti hai jab log kuch kehte hain ki maine dekha isko YouTube pe aur ye kuch kar raha hai Banda, aur itne log pasand kar rahe hain toh main kyun nahi kar sakta hoon ?

Aur isi soch se mujhse kai logo ne Youtube pe shuruvat ki aur wo aaj bahut hi accha grow kar rahe hain aur acche paise kama rahe hain. Aur last mein jab wo kehte hain ki maine aapko dekh kar start kiya toh aisa lagta hai ki maine jo 4 saal mein kiya wo bahut hi accha kiya.

 

  1. YouTube mein sirf Passion hona chahiye yaa sath sath Business ya Job bhi hona Chahiye ? Aise logo ne Passion ko kab tak Follow karna chahiye ?

 

Dharmendra Kumar : jahir si baat hai ki Paisa toh jaruri cheez hai Family ke liye. Toh Passion bhi bahut badi cheej hai uske bina kuch nahi ho sakta. Aur jo log bahut samay se kaam kar rahe hain youtube par aur abhi tak success nahi mila unko hum dekhte hain, toh main unke liye yahi kehna chahunga ki bhai Dekhiye aap youtube pe har cheej chhod chaad ke mat aaiye, aap jo kaam kar rahe hain wo karte rahiye.

Shuruvat part time se kariye, Saturday Sundays ko jab bhi chutti milti hai ussi din kaam kijiye, yaa din mein raat mein 1 ghanta nikal ke Youtube ka kaam kijiye. Aur jaruri nahi hai shuru shuru mein regularly videos upload karna. Aur baadme agar aap ka channel accha grow karne laga toh aap ussey full time Youtube kar sakte hain.

 

Satish : Aur jo log padhai kar rahe hain ?

 

Dharmendra Kumar : bhai padhai ka koi tod nahi hai. Youtube kuch nahi hai padhai ke aage. Youtube mein bas dikhava hi jyada hai kyunki log dekhna pasand karte hai wohi cheej youtubers unko dikhane ki koshish karte hain. Isiliye jis hisab se dikhava hai uss hisab se paisa nahi hai youtube pe. Aur padhai sabse primary hai. Aap padhai kijiye

 

Aur baad mein Youtube part time se shuru kiijiye.

 

  1. YouTube pe Success paane ke liye kuch alag hi kyu karna padta hai ?

 

Dharmendra Kumar : Dekhiye agar aapko Passion hai kisi cheej ke baare mein aur knowledge hai toh jarur kijiye. Bas kisiko dekh kar nahi karna chahiye. Aur agar aap ke andar kuch special cheej nahi hai toh aap wo kariye jo log bahut kam kar rahe hain. Aur Tech mein toh mahakumbh machi hai. kuch alag soch ke alag kijiye.

Toh Dosto ! Yahi the kuch amazing se sawal aur uske amazing se jawab Dharmendra Sir yani My Smart Support Ke Dwara. Umeed karte hain ki aapko pasand aaya hoga yah interview. Aap mujhse Social media par jud sakte hain sath me YouTube channel ko bhi subscribe kar sakte hain…! Aur haan achha laga yah interview toh share jarur kare.

2 Comments

2 Comments

  1. Shubham Butola

    July 26, 2018 at 1:01 pm

    bahut he aacha friendly interview tha i saw mzaa aa gya bhai keep working

  2. Riya

    September 5, 2018 at 11:05 am

    excellent ,keep it up, waiitng for more update

Leave a Reply

Your email address will not be published. Required fields are marked *

Recent Posts

Advertisement

Facebook