Technical Dost Wiki | About | Interview by Satish Kushwaha:
Namaste Deviyon aur Devtao, Swagat hai aapka SatishKushwaha.com par Toh Aagaye Aap!! Aaj ke iss article me Humne Interview kiya hai Hitesh Kumar aka Technical Dost ka, ji haan wahi jo Technical with Fun style mein Video Banate hain, aur logo ko Knowledge ke sath sath Hasate bhi hain. Kabhi kabhi Dance bhi kar lete hain, Kabhi Sher-O-Shayari bhi kar lete hain.
Who is Hitesh Kumar AKA Technical Dost?
Toh Hitesh Kumar ek bahut bade YouTube Content Creator hain Delhi se. Aur inke karib karib 8,30,000+ Subscribers hain, Aur jaldi 1 Million bhi ho jayenge. 2 saal pehle yani 2016 se inhone YouTube par videos banana shuru kiya. Aur aaj itne successful hain ki inki Technical Dost Family day by day badhti hi jaa rahi. Aur iske liye Main inhe bahut bahut Badhaiyan deta hoon. Toh Dosto aaj ke iss Interview mein hum Janenge Hitesh Kumar aka Technical dost ke Lifestyle, YouTube Journey aur Technical Dost YouTube Earnings ke baare mein. 
- Reel Life aur Real Life of Hitesh Kumar ?
Satish : Sunne mein aaya hai ki aap Camera mein bahut bhole dikhte ho, aur Camera se jab bahar hote ho toh kaafi khatarnak hote ho ? Hitesh Kumar : hahah Khatarnak matlab Hola.. Ji nahi nahi haha.. Iske liye main itna hi kehna chahung satish ji, agar main acting kar raha hota toh Acting jyada din nahi chal paati. Satish : Acchaa Hitesh Kumar : Aur Aadmi jaisa hota hai wo adhik samay tak waisa hi rahega aur mujhe aap 5 saal baad bhi dekhna main aapko aisa hi dikhunga… ( Hahah)
- Kya Aap Clickbait Bahut Jyada Karte Ho ?
Hitesh Kumar : nahi nahi, click bait nahi karta main… Click bait ussey kehte hai jab aap Video ke title par kuch aisa rakho jiska sambandh Video se naa hoo.. wo picture bhi naa ho, aur title ka kuch relation bhi naa ho, tab aap keh sakte ho Click Bait.. aur there is 2 Types of Click Baits Good Click Bait aur Bad Click Bait, aur shayad hum Good wala karte hain.
- Youtube Ki Wajah Se Aapke Life Mein Kya Kya Changes Aaye Hai ?
Hitesh Kumar : Haan Satish! YouTube ne life mein bahut saare Changes kiye hain. Aur sabse bada Change ye hai ki Mujhe meri Technical Dost Family mili. Itne pyar karne wale mujhe eksath kabhi nahi mile the, aur is baat se mujhme Confidence bahut badhaa hai aur main bahut Accha feel karta hoon, yaani mujhe har cheez mein mujhe Positivity dikhti hain aur Khushiyan dikhti hain.
- Video Mein Dance Karne Ka Idea Kaise Aaya Jo Logo Ko Bahut Pasand Aaya?
Hitesh Kumar : Dance toh bahut kharab sa hai lekin phir bhi logo ko pasand aata hai, actually Jab main Video bana raha thaa toh video badi boring si lag rahi thi, toh maine kaha nahi yaar.. isme dance karke dekhta hoon. Nanaji 2 Rupees diya karte the 15 minutes Dance Karne ke hahah.. toh Maine socha yaha bhi karke dekh leta hoon. Aur Dance kiya toh wo logo ko accha laga toh maine kaha ye toh badhiya hai yaar.. aur mujhe maza bhi aaraha thaa.. Actually main Accha feel karta hoon Dance karte waqt, toh ab ye jo aapko pasand aata hai toh chalne doo.
- Aap Jab Phone Ke Reviews Dete Ho Toh Ye Ekdum Se Rhyming Style Mein Kaise Karte Ho ? Script Likhte Hoo Yaa Phirr Directly Karte Hoo ?
Hitesh Kumar : Accha jo main Shayari mein bolta hoon wo.. Satish : Ji.. Hitesh Kumar : Haan, Kya hai mere aachar kya hain mere vichar Sabse pehle jaan lete hain iske Thobde ke baare mein is tarah ke.. Satish : Haan kaafi accha lagta hai.. Hitesh Kumar : Jaise lagi hai Lottery 5000mAh ki Battery.. Satish : hahaha.. Kaise kar lete hoo aap ? Script? Hitesh : Script ?? Actually main unn Rhymings ko Set karta hoon aur Set karte karte khud hi bana leta hoon toh 15-20 minutes usko set karne mein lag jate hain, aur aise karte karte wo khud hi mujhe yaad ho jata hai. Phir likhne ki jarurat nahi padti, wo mujhe yaad ho jaati hai. Ab aap ussey Script likhna kaho yaa Banana keh lo. Satish : hahah mere paas Redmi Note 4 hai iski thodi burai kar do Hitesh Kumar : haha iski burai Uhmm.. Satish : Iska Camera bahut kharab hai Hitesh Kumar : Acchaa.. Arz Kiya hai ki Redmi note 4 hai bhai ke paas, hum toh thik hain par China wale bade nikhattu hain aur kya baat karein iski ? Iska Camera hi bada Tattu hai… Satish : hahah ekdm sahi hai.. 2 sec ke andar aise hi soch kar bana liya. Wah bhai. Hitesh Kumar : Ji Thank You.
- Kisine Bola Ki Aap Ke Channel ka Content Badhiya Nahi Hai ?
Hitesh Kumar : Dekho isko sabse pehle Decide karne wale hamari Technical Dost Family hai. Aur koi cheez acchi buri hona hamare Samajh ke farak mein ho sakta hai. Aisa ho sakta hai ki laal rang mujhe Accha lage shayad saamne wale ko accha naa lage ? Toh dekho laal rang mein burai nahi ho sakti wo hamare samajh ka farak ho sakta hai. Aur main apne Vivek se apne Samajh se behtar se behtar Content aur Positive Content aur aapki madat wala content dene ki koshish karta hoon.. aur agar kisiko feel ho raha hai ki mere content badhiya nahi hai toh ye meri problem nahi hai unhi ki Problem ho sakti hai.
- Aap Apne Dinbhar Ka Schedule Batao ?
Hitesh Kumar : Main subeh karib 5.30 – 6 baje ke aas paas uthta hoon. Uske baad video, aur video banane ke baad 7 – 7.15 baje School pohonchna hota hai aur shaam ko 8-9 baje tak Mujhe Content banana hai uspe sochta hoon. Satish : Editing Kab Karte Ho Aap ? Hitesh Kumar : Editing most of time… main school mein jaate time karta hoon ya phir aate waqt karta hoon jo on the way hota hoon. Ya kabhi kabhi bahar chala gaya toh bahar kar leta hoon. Matlab Raste mein hi hoti hai meri Maximum Editing, isiliye phone liya hai kyun ki Laptop ho har baar haath mein leke nahi ghoom sakte na..
- Rapid Fire Questions
- iPhone ya Android phone ?
Hitesh Kumar : Android
- Bollywood ya Hollywood ?
Hitesh Kumar : Bollywood
- Biwi ya Girlfriend ?
Hitesh Kumar : hahah biwi toh hai hi nahi toh Girlfriend hi thik hai. Satish : Aur agar shadi hone ke baad ? Hitesh Kumar : phirr bhaiyya biwi haha..
- Paisa ya Pyar
Hitesh Kumar : Pyar Obviously
- Technical Dost Ki YouTube Earnings Kitni Hai ?
Hitesh Kumar : Sabhi ko main Motivation ke liye bata deta hoon filhal Earning aati hai karib karib itni 1 iPhone X kharid sakta hoon wo bhi har mahine aur phir bhi kuch paise bach jayenge. Matlab Dedh iPhone Khareed sakta hoon.. haha. Satish : hahah.. thik hai. Dhanyawaad Hitesh Bhai Interview ke liye aur Best of luck aapke behtar Future ke liye. Hitesh Kumar : Ji Bahut Bahut Dhanyawaad aapka. Thank you so much. यह भी पढ़े:
- मसालेदार Interview धर्मेन्द्र कुमार AKA My Smart Support के साथ
- YouTube Videos के लिए best dual mic और सस्ते में
https://www.youtube.com/watch?v=Jwaq-PPk_6U Toh Dosto !! Ye Raha Ek Masaledar Interview Technical Dost Yani Hitesh Kumar Bhai Ke Sath. Umeed hai ki aapko pasand aaya rahega. Iske sath sath aap logo Technical Dost Ki YouTube Earnings ka bhi pata chal gaya hoga. Iss article ko aap share bhi kar sakte hain. Sath me mujhe social media par follow aur YouTube par Subscribe bhi kar sakte hain.!